Frá árinu 2015 hafa fjölmargir einstaklingar og fyrirtæki stutt við bakið á Björkinni og var sá stuðningur grundvöllur fyrir því að fæðingastofa Bjarkarinnar varð að veruleika.  

​

Um 230 einstaklingar lögðu sitt af mörkum til söfnunar Bjarkarinnar á Karolínafund þar sem söfnuðust rúmlega 2 milljónir sem nýttar voru til breytinga á húsnæði og standsetningar fæðingastofunnar.  Af þeim 230 voru 60 einstaklingar sem skráðir eru sem sérstakt velgjörðafólk og má sjá á lista hér fyrir neðan.

​

Af þeim fyrirtækjum sem hafa stutt við Björkina má helst nefna E.Bridde sem færði okkur hnakkstól og súrefnismettunarmæli, Blush sem safnaði fyrir fæðingarúmi og doppler og Íspan sem færðu okkur glervegg og gler rennihurð.  Til viðbótar má nefna Fakó sem gaf tvo aMove bluetooth hátalara og Litlu hönnunarbúðina, Rökkurrósir og Hrím sem gáfu skrautmuni.

Árið 2018 færði Marel fæðingastofu Bjarkarinnar fæðingavog líkt og gefnar hafa verið á fæðingardeildir víðsvegar um landið.