Fæðingafræðsla og brjóstagjafanámskeið

Næstu námskeið:

fæðing í vændum 4 mars kl 19:30B

Ferðalagið 11. mars kl 17:00

Fæðing í Vændum 25. mars kl 19:30

Ferðalagið 15. apríl kl 17:00

Fæðing í vændum 22.apríl kl 19:30

Brjóstagjöf með mýkt og mildi 28. apríl kl 17:00

Ferðalagið 12. maí kl 17:00

Fæðing í vændum 26. maí kl 19:30

Brjóstagjöf með mýkt og mildi 27. maí kl 17:00

Ferðalagið- Fæðingarundirbúningur

Allt sem verðandi foreldrar þurfa að vita um fæðinguna. Farið er í gegnum fæðinguna stig af stigi, frætt um við hverju megi búast og hvað er gott að gera á hverju stigi fyrir sig og rætt um hlutverk maka/stuðningsaðila og ljósmæðra í fæðingunni.

Markmiðið er að foreldrar fari inn í fæðinguna örugg, laus við kvíða og full sjálfstrausts og tilhlökkunar. Námskeiðið hentar öllum verðandi foreldrum hvar sem fæðingin mun eiga sér stað.

Mælt er með að fara á þetta námskeið frá 28.-36.viku meðgöngu.

Verð 18.500 kr

Skráning á ferðalagið

Fæðing í vændum- Persónulegur fæðingarundirbúningur

Ertu komin á tíma?

Fæðing í vændum er hugguleg kvöldstund fyrir verðandi mæður gengnar 37 til 42 vikur.

Unnið er með ásetning fyrir góða fæðingu, fræðslu um ráð til undirbúnings fyrir fæðingu og allar fá tækifæri til að prófa döðlunammi, fæðingardrykk, ilmkjarnaolíur, nudd, nálastungur, rebozo og tens tæki.

Endað er á góðri slökun með yoga nidra og hver og ein fer heim með nuddolíu með ilmkjarnaolíum sem hvetja til góðrar fæðingar, sitt eigið ilmsprey og ásetning fyrir sig.

Verð 9.500 kr

Skráning á Fæðingu í vændum

Brjóstagjöf með mýkt og mildi (Staðnámskeið)

Brjóstagjöf með mýkt og mildi er hlýlegt og hagnýtt námskeið þar sem áherslan er á brjóstagjöf, sjálfsmildi og traust á eigin innsæi. Farið er yfir helstu atriði brjóstagjafar á stuðningsríkan hátt, með rými fyrir ólíkar upplifanir og þarfir. Námskeiðið styður foreldra í að finna sína leið í brjóstagjöf – með mildi, öryggi og virðingu fyrir sjálfum sér og barninu.

Kennari námskeiðsins er Oddný Silja Friðriksdóttir, ljósmóðir og brjóstagjafaráðgjafi

Skráning á Brjóstagjöf með mýkt og mildi

Upphafið (Netnámskeið)

Fyrstu dagarnir

og brjóstagjöf

Markmið með námskeiðinu
Foreldrar öðlist innsýn í fyrstu dagana og öðlist öryggi í umönnun nýburans.
Þekki eðlilega hegðun nýfædda barnsins og að foreldrar læri að lesa í hegðun þess.
Upphaf brjóstagjafar eru gefin góð skil, mjólkurmynd og gæði brjóstamjólkur.
Farið yfir rétt grip barnins við brjóstið og farið yfir stöður og stellingar í brjóstagjöf.
Að lokum er farið yfir helstu hindranir og áskoranir í brjóstagjöf og hvert á að leita ef upp koma vandamál.
Lögð er áhersla á stuðning maka/stuðningsaðila þessa daga, bæði varðandi umönnun barnsins og eins mikilvægi stuðning við mjólkandi móður en það er ein af forsendum þess að brjóstagjöfin gangi vel.
Á námskeiðinu er farið yfir öll þessi atriði auk fjölda annarra sem tengjast þessum fyrstu dögum eftir fæðingu barns.
Námskeiðið er opið fyrir ykkur í 4 mánuði þannig að hægt er að horfa á það oftar en einu sinni.

Skráning á Upphafið netnámskeið